26 avqust 2021-ci il tarixində Bakı Fond Birjasının (BFB) Listinq Komitəsinin qərarı ilə “Zəyəm Texnologiyalar Parkı” ASC-nin ümumi dəyəri 18,000,000.00 (on səkkiz milyon) manat olan səhmləri standart bazar seqmentində listinqə daxil edilmişdir.
2021-ci ilin 4 və 5 noyabr tarixlərində Bakı Fond Birjasında Zəyəm Texnologiyalar Parkının 18,000,000.00 (on səkkiz milyon) manat dəyərində olan səhmlərinin yerləşdirilməsi üzrə hərrac keçiriləcəkdir. Emissiya prospektinə əsasən 4 noyabr 2021-ci il tarixində səhmlər üstünlük hüququna malik investorlar arasında yerləşdiriləcəkdir, 5 noyabr 2021-ci il tarixində isə yerləşdirilməyən səhmlər digər investorlar arasında yerləşdiriləcəkdir.
Zəyəm Texnologiyalar Parkının (ZTP) səhmlərinin emissiya prospektini BFB-nin internet səhifəsində “Emitentlərin hesabatlılığı” (https://www.bfb.az/az/emitentler) bölməsindən əldə edə bilərsiniz.
Səhmlərlə bağlı məlumatlar aşağıdakı kimidir:
Dövlət qeydiyyat nömrəsi – İSİN | Qiymətli kağızın növü və forması | Qiymətli kağızların sayı | Nominal Dəyəri | Ticarətə buraxlma tarixi |
AZ1001003453 | Adi adlı sənədsiz səhm | 18,000,000.00 (ədəd) | 1 manat | 04.11.2021 |
Yerləşdirmə üzrə anderrayter “Paşa Kapital İnvestisiya Şirkəti” QSC-dir. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi) bölməsində yerləşdirilmişdir.
