28 dekabr 2009-cu il tarixində Bakı Fond Birjasının (BFB) İdarə Heyətinin yığıncağı keçirilmişdir. Yığıncaqda BFB-nin listinq tariflərinə bəzi dəyişikliklərin edilməsi ilə bağlı qərarlar qəbul edilmişdir. Belə ki , 2010-cu ildən etibarən birjaya listinqlə bağlı müraciət edən emitentlərin sənədlərinin baxılması üçün birja tərəfindən müəyyən edilmiş haqqın ödənişi aradan qaldırılır. Digər qərarla isə müəyyən edilmişdir ki, 2010-cu ildə qiymətli kağızlarını birjada listinqə daxil edən ilk beş emitent listinqə qəbul edilmə üçün birdəfəlik rüsumun və listinqdə saxlanılma üçün illik xidmət rüsumunun 50%-dən, növbəti beş emitent isə həmin ildə müvafiq rüsumların 30%-dən azad edilir.
BFB-nin listinq qaydaları və listinq tarifləri ilə birjanın rəsmi internet səhifəsində (www.bfb.az) tanış olmaq mümkündür.
|
