İyul ayının 1-dən etibarən “Standard Capital” şirkəti ”0% komissiyon” adlı yeni aksiyaya start verdi. Yerli fond birjasının bütün alətləri üzrə keçiriləcək və oktyabrın 1-nə kimi davam edəcək bu aksiya ərzində “Standard Capital” bütün xidmət növləri, o cümlədən, Qısamüddətli Dövlət İstiqrazları, Mərkəzi Bank Notları, korporativ istiqraz və səhmlərin satışı, habelə REPO əməliyyatları üzrə pulsuz broker xidmətləri göstərəcək. Qeyd edək ki, belə bir aksiya Azərbaycanda borker şirkəti tərəfindən ilk dəfə keçirilir.
“Standard Capital” şirkətinin əsas fəaliyyət istiqaməti qiymətli kağızlar bazarında broker xidmətlərinin göstərilməsindən ibarətdir. Şirkət Azərbaycan fond bazarının aparıcı operatorlar sırasında yer alır və həm korporativ, həm də fərdi müştərilərə broker xidmətləri göstərir. "Standard Capital” “Bakı Fond Birjası”nın (BFB) ticarət məkanında dövriyyə həcminə görə lider mövqeyini tutur. BFB-nın Analitik şöbəsinin hesablamalaırna görə “Standard Capital” şirkəti 2006, 2007 və 2008-ci illərdə brokerlər renkinqinə başçılıq edib.
|
